November 2025 - Bitola & Stip

Успешно реализирани обуки на тема „Дигитализација на малите и средни претпријатија“ во Битола и Штип

Во организација на World Smart Education и Агенцијата за иновации, научно-технолошки развој и претприемништво – ИНОВА, успешно се реализираа двете обуки на тема „Дигитализација на малите и средни претпријатија (МСП)“.

Обуките се одржаа во:
📍 Битола – Општинска сала, 7.11.2025
📍 Штип – Општинска сала Штип. 12.11.2025

Настаните имаа за цел да им помогнат на претставниците на малите и средни бизниси да стекнат конкретни знаења за дигитална трансформација, примена на нови технологии и алатки за подобрување на ефикасноста, комуникацијата и продажбата.

Преку практични примери, дискусии и интерактивни активности, учесниците имаа можност да научат како да воведат дигитални решенија во секојдневното работење и како преку иновации да ја зголемат конкурентноста на својот бизнис.

Организаторите изразуваат благодарност до сите учесници за нивната ангажираност, идеи и интерес за развој на дигиталните вештини во деловниот сектор.

✨ World Smart Education и ИНОВА ќе продолжат со реализација на вакви иницијативи низ Македонија, со цел поддршка на дигиталната трансформација и зголемување на иновативноста на домашните компании.